‘Don’t
learn English to speak, but speak English to learn’. Jee haa Preey spoken
English seekhne wale vidhyarthiyo krupya dhyan dijiye ki ‘angrezy bolne ke liye
na seekhiye, parantu angrezy seekhne ke liye avashya boliye.’ Aap apni angrezy
ko kis prakar behtar bana sakte hai,
yeh baat nirbhar karti hai, ki aap angrezy bolne wale samooh ke saath rahte hai ya nahi. Yadi aap angrezy pratidin sunte hai tatha angrezy bolne wale logo ke sath swatantra roop se mishrit hote hai to yeh aapki angrezy viksit karne ke liye poorn roop se laabhdaayak hai. Iske viprit kabhi hum yeh bhi anubhav kar sakte hai ki sampoorn bhasha hum par ek hi baar me udel di gai hai. Is uljhan se bachne ke liye aadarsh roop se ek panktibaddh pathyakram ke saath angrezy bolna seekhne ke is anubhav ki or aage badha ja sakta hai.
yeh baat nirbhar karti hai, ki aap angrezy bolne wale samooh ke saath rahte hai ya nahi. Yadi aap angrezy pratidin sunte hai tatha angrezy bolne wale logo ke sath swatantra roop se mishrit hote hai to yeh aapki angrezy viksit karne ke liye poorn roop se laabhdaayak hai. Iske viprit kabhi hum yeh bhi anubhav kar sakte hai ki sampoorn bhasha hum par ek hi baar me udel di gai hai. Is uljhan se bachne ke liye aadarsh roop se ek panktibaddh pathyakram ke saath angrezy bolna seekhne ke is anubhav ki or aage badha ja sakta hai.
Kai
vidhyarthi Spoken English Class me angrezy bolne me dar mehsoos karte hai. Angrezy
bolna seekhne hetu bolna hoga. Tairna
seekhne wala vyakti pani ke paas me jane se darega to vah tairna nahi seekh sakega. Yaad rakhiye ‘Bhasha ko bolna seekha nahi jata apitu pick up arthat grahan kiya jata hai’. Yadi aap English spoken class me yeh
sochkar hichkichahat mehsoos karte hai ki yadi aap class me angrezy bolenge to
sabhi aap par hasenge ki aap galat English bolt hai, to yeh sochiye ki anya
sabhi vidhyarthi bhi to angrezy seekhne hi aaye hai. Yadi ve sabhi sahi bol
sakte to phir kyu class join karte. Dariye
nahi galat hi boliye, usme bhi aap kuch na kuch avashya hi seekhenge. Nishchit hi ek din sahi bolna bhi
seekh hi jayenge. Hume bhi ek bachche ki tarah kisi ko bade dhyan se sunkar
uska anukaran karne ki avashyakta hai. Thokre hi insaan ko chalna sikhati hai. Jab Insaan chand par ja sakta hai to
English seekhkar bolna to bahut hi
chhoti si baat hai. Nidar hoker boliye. Safalta nishchit hi milegi. Yaad
rakhiye ki dar ke aage jeet hai. And also always keep in mind that "The more we listen English, the more we will speak, and the more we speak English, the more we will learn English." (Jitni adhik hum angrezy sunenge, utni adhik hum bolenge, or jitni adhik hum angrezy bolenge, utni adhik hum seekhenge.)
Yadi
iske sath hi aap angrezy akhbar ya
visheshkar angrezy kahani ki pustake padhte rahte hai to yeh bhi aapko angrezy bolna sikhane me nishchit roop se sahaayak
hai. Pustak pathan ka mahatva hum hamari agli post me prakashit karenge. Kuchh
logo ki ye manyata hoti hai ki boli jane wali va likhi jane wali angrezy me antar
hota hai. Vastav me aisa nahi hai. Apitu
likhi jane wali tatha boli jane wali angrezy me gehri samaanta hai.
Apni angrezy
bhasha ko or pragaadh banane ke liye Grammar,
Syntax, evam Vocabulary ko or
adhik mazboot banaiye. Hamesha yaad rakhiye ki “Practice makes a man perfect.”
At the end we can conclude that....
1-
Revise and complete your grammar - (English Grammar
poorn kijiye va dohraiye.)
2-
Do reading - (English Passages, Composition
padhte rahiye.)
3-
Do listening – (English bolne wale logo ko bade
hi dhyan se suniye.)
4-
Use your vocab – (Apne vocab ko daily
conversation me prayog kijiye.)
5-
Always try to talk in English (Hamesha English
me baat karne ki koshish kijiye.)
